martes, 2 de junio de 2009

IN THE MOOD FOR



Visto que case sempre vos agasallo con entradas pesimistas, grises, onde só falo de choiva e de infernos xermánicos, por que non escribir por unha vez sobre algo en positivo? Tan positivo como este prato de fresas, sutilmente tocadas por un orballo lixeiro de vinagre balsámico, que estou degustando nestes intres.

Tan positivo como "Arcano trece" de Pilar Pedraza (lembraredes que foi recomendación do día de Pato hai algún tempo), libro que me autorregalei a semana pasada, despois de deposita-la tese... vivaz, áxil, tebroso.

Tan positivo coma a tormenta de ideas que me baila nos miolos.

Tan positiva coma a chamada de Lo dende Arxentina onte pola noite.

Tan positiva como a clase impartida polo meu xefe á que, como alumna, tiven que asistir, e da que saín moderadamente airosa.

Tan positiva coma a constelación de amig@s que me iluminan o camiño, que me fan levadeira a existencia, que me axudan a tirar do carro, ou que me quentan as orellas cando erro o camiño, que confían en min para compartir o bo, para sobreleva-lo malo.

Tan positiva coma unha vida que se expande, chea de variables, de imprevistos e baixíos, de mares bravos, soños inquedos e discurrir apacible.

4 comentarios:

Qcousas dijo...

Tan positiva... como ser unha mesma un pouquiño máis feliz que onte.

Parabéns, guapa, pola tese. Onte comín con Pato e xa me puso ao día de todo o teu.

Bicos a moreas.

Pato dijo...

Anda, la Princesa sonríe... ¿A que está guapa? ¿A que sí?

Thomas dijo...

¡Y esta ha sido la Versión Princesa de "My favorite things" !

(aplausos)
(aplausos)
(brava!!)
(más aplausos)

Será un placer escuchar los bises que hagan falta. Mientras tanto, besos y ovación.

Hikari dijo...

Viva, princesa, sigue así!! Queremos más entradas optimistas! ^^