martes, 24 de marzo de 2009

MAGIC, MADAM, IS LIKE WINE...

... and, if you are not used to it, it will make you drunk."



Merquei Jonathan Strange and Mr. Norrel na Oxfam Bookshop de Bloomsbury incitada por Lo. "Secondo me questo libro ti piace". E vabbè. Nese día de cifra incerta nun típico verán ventoso e húmido londinense, ano 2007, incluín o volume na pila dos libros elixidos. E podo asegurarvos que neses 5 días que pasamos na metrópole, os libros afortunados que volveron con nós a Roma foron moitos.

Lo acertou de cheo. O libro gustoume. A revitalización da maxia na Inglaterra de principios do XIX, co fungón de Mr. Norrell como artífice, e Jonathan Strange como gran promulgador e propagandista. Viaxes ó mundo feérico a través dos espellos. Tentativos de frear o avance europeo do exército napoleónico con conxuros e feitizos. John Uskglass alias the Raven King, o rey mago de Inglaterra e de Fairyland, longamente esquecido, que retorna poderoso entre nubes de corvos negros coma a noite.

Fantasía. Flema inglesa. Entretimento.

A autora, Susanna Clarke, publicou un segundo libro, The Ladies of Grace Adieu and Other Stories, recopilando os seus contos publicados en revistas e en volumes colectivos. Libro que rematei de ler hai un par de días. Casualidades da vida: atopeino novo por unha cuarta parte do seu prezo nunha librería de Heidelberg, Jokers, "Wo kluge Leute Bücher Kaufen!. Que alto concepto teñen os alemáns de si mesmos polo mero feito de comprar onde é máis barato!

En fin, retornando ó tema: The Ladies of Grace Adieu é máis liviano que Jonathan Strange and Mr. Norrel; a ambientación, idéntica; as ilustracións que o acompañan, marabillosas. Si, si, mozos e mozas, ilustracións de Charles Vess. De feito, Clarke incluiu a historia "Stopp't-Clock Yard" en The Sandman: Book of Dreams. Gaiman, Vess, Clarke... todo conflúe no mesmo punto.

Lectura recomendada para tempo chuvioso, con Furias e Ventos rondando fóra da fiestra, cabo do mar ou no corazón das montañas.

2 comentarios:

Tomás dijo...

"Tentativos de frear o avance europeo do exército napoleónico con conxuros e feitizos."

Ahí es donde me has convencido. La idea es tan deliciosa que no puedo quedarme sin leerlo, así que queda anotado para mi próximo pedido de Amazon.

Y, qué quieres que te diga. A mí el lema de la tienda me parece acertadísimo, como demuestra que te hayas comprado el libro allí...

Hikari dijo...

Con semellante crítica intentarei lelo canto antes!

Por certo, encántanme as imaxes e fotografías que pos en cada entrada... ^^